AI प्रशिक्षण डेटा साठी आम्ही माहिती चोरत आलो आहोत : OpenAI चे सर्वेसर्वा सॅम आल्टमन यांचा धक्कादायक खुलासा
 |
| A pirate watching at computer screen: symbolic imaginative picture generated with Ai |
OpenAI या कृत्रिम बुद्धिमत्ता संशोधन संस्थेने नुकत्याच एका धक्कादायक गोष्टीची कबुली दिली आहे—त्यांनी त्यांच्या AI मॉडेल्सच्या प्रशिक्षणासाठी कॉपीराइट असलेल्या सामग्रीचा वापर केला आहे.
भल्यासाठी केले चौर्यकर्माचे पाप
OpenAI कंपनीचे म्हणणे आहे की, AI तंत्रज्ञानाच्या प्रगतीसाठी हे आवश्यक आहे. मात्र, टीकाकारांचे मत वेगळे आहे. त्यांच्या मते, ही पद्धत बौद्धिक संपत्तीच्या हक्कांकडे दुर्लक्ष करते आणि गंभीर नैतिक प्रश्न निर्माण करते.
OpenAI चा दावा आहे की कॉपीराइट सामग्री परवानगीशिवाय वापरणे कायदेशीर करण्याची गरज आहे, कारण यामुळे AI क्षेत्रातील संशोधन वेगाने पुढे जाऊ शकते. आश्चर्याची बाब म्हणजे, त्यांनी असा इशारा दिला आहे की, जर अमेरिकन सरकारने हा सराव अधिकृत केला नाही, तर प्रतिस्पर्धी चीन AI शर्यतीत अमेरिकेच्या पुढे जाईल.
लेखक व कलाकारांच्या बौधिक संपत्ती हक्कांवर घाला
या खुलाशामुळे आणि त्या अनुषंगाने दिलेल्या इशाऱ्यामुळे AI प्रशिक्षण डेटाच्या नैतिकतेवर तीव्र चर्चा सुरू झाली आहे. OpenAI च्या समर्थकांचे म्हणणे आहे की, AIच्या प्रगतीचे फायदे कॉपीराइट उल्लंघनाच्या संभाव्य तोट्यांपेक्षा अधिक आहेत. परंतु, विरोधकांचे मत आहे की, ही पद्धत बौद्धिक संपत्तीच्या मूलभूत तत्त्वांना धोका पोहोचवते आणि लेखक, कलाकार यांच्यासाठी दूरगामी परिणाम होऊ शकतात.
AI विकास की बौद्धिक संपदेचे संरक्षण? US चा निर्णय काय असेल?
अमेरिकन सरकार या विषयावर काय निर्णय घेणार, याकडे सर्वांचे लक्ष आहे. जर AI कंपन्यांना परवानगीशिवाय कॉपीराइट सामग्री वापरण्याचा अधिकार दिला गेला, तर यामुळे AI क्षेत्रात अभूतपूर्व प्रगती होईल का? की यामुळे सर्जनशील व्यक्ती आणि कलाकारांच्या हक्कांना धोका निर्माण होईल? याचे उत्तर अद्याप स्पष्ट नाही, पण एक गोष्ट निश्चित आहे—AI विकासाचे भवितव्य या निर्णयावर अवलंबून आहे.
कलाकारांच्या शब्दांवर डल्ला
इतिहास सांगतो की आत्ता पर्यंत झालेल्या जागतिक क्रांती या कलाकारांनी व लेखकांनी उच्चारलेल्या शब्दांनी प्रज्वलित झाल्या. याच कलाकारांचे शब्द व भावना जर प्रगतीच्या नावाखाली चोरले जाणार असतील तर नवी क्रांती उभारण्यासाठी समाज शब्दांचा बारूद कुठून आणनार ?