यंदाची होळी नेमकी कोणत्या दिवशी? चंद्रग्रहण काळात धुळवड रंगोत्सव साजरा करायचा की नाही ? असा संभ्रम लोकांमधे निर्माण झाला होता . प्रसिद्ध पंचांगकर्ते व खगोल अभ्यासक दा. कृ. सोमण यांनी TV 9 मराठी या वृत्तवाहिनीला दिलेल्या मुलाखतीत यावर आपले मत प्रदर्शित केले आहे.
धर्मसिंधु ग्रंथाचा हवाला
धर्मसिंधु ग्रंथाचा हवाला देत दा. कृ. सोमण यांनी सोमवारी 2 मार्च 2026 रोजी सूर्यास्ता नंतर होलिका दहन व मंगळवारी 3 मार्च रोजी सूर्योदयानंतर धुलीवंदन साजरे करा असे म्हणत होलिकोत्सव तिथी च्या संभ्रमावर पडदा टाकला आहे..
सोमवारी 2 मार्च रोजी सायंकाळी 5:56 पासून फाल्गुन पौर्णिमा सुरू होत आहे. या दिवशी प्रदोष काळी फाल्गुन पौर्णिमा आहे व या दिवशी होलिका दहन करणे पंचांगानुसार योग्य ठरेल असे श्री. दा. कृ. सोमण म्हणाले आहेत.
3 मार्च 2026 या दुसऱ्या दिवशी प्रदोष काळी फाल्गुन पौर्णिमा नाही.
तसेच मंगळवारी 3 मार्च रोजी सुर्योदया पासून चंद्र ग्रहण असले व चंद्रग्रहणाचा वेध सुर्योदयापासून सुरू होत असला तरी या दिवशी रंगोत्सव साजरा करण्यात पंचांग शास्त्रानुसार काहीच अडचण नाही असे त्यांनी स्पष्ट केले.
दा. कृ. सोमण यांचे संपूर्ण स्पष्टीकरण लिंकवर पहा
About The Author
