199.85 Cr च्या Goa Film City प्रकल्पाला कानकोण च्या गावकऱ्यांनी पंचायत समिति ठरावातून आधीच मान्यता दिली आहे. मुख्यमंत्री प्रमोद सावंत यांनी “Private Proposals चे या प्रकल्पात स्वागत आहे!” असे म्हणत खाजगी गुंतवणूकदारांना हाक दिली आहे.
 |
| Goa Film City Project gets Momentum |
दोन दशके राष्ट्रीय चित्रपट महोत्सवाच्या यशस्वी आयोजनानंतर आता गोव्यात खाजगी गुंतवणुकीतून Goa Film City आकार घेणार आहे
2004 पासून दिल्लीत संपन्न होणारा राष्ट्रीय चित्रपट महोत्सव गोवा येथे स्थलांतरीत केला गेला . मध्यवर्ती गोव्याची मुंबई व दक्षिणी चित्रपट सृष्टीशी नजीकता पहाता हे एक योग्य पाऊलच होते. आता गेले दशकभर चर्चेत असलेला गोवा सरकारचा ‘Goa Film City Project’ ही अखेर कार्यान्वित होत असल्याचे दिसू लागले आहे. मुख्यमंत्री प्रमोद सावंत यांच्या प्रयत्नांना स्थानिकांचा प्रतिसाद आधीच मिळाला आहे ही आता मुख्यमंत्र्यांनी “Private Proposals चे स्वागत आहे!” असे नुकतेच Goenkarpann या स्थानिक channel प्रतिनिधिला उत्तर देताना म्हटले आहे.
काय असते Film City?
Film City म्हणजे एका विस्तीर्ण जागेत अनेक प्रकारचे shoot locations आधीच तयार करून ठेवलेले असतात. हा एका अर्थी विशाल असा Studio असतो. यातील लोकेशन्स अनेकविध प्रकार ची असू शकतात. उदाहरणार्थ गाव वा शहराची बाजारपेठ, छोटे गाव , बंगले, प्रार्थना स्थळे, पोलिस स्टेशन, बगीचा, पानवठे, रेस्टॉरंट, कोर्ट व इतर इमारती, हणामारीच्या दृश्यांसाठी विशिष्ट सुविधा युक्त लोकेशन्स अशा प्रकारच्या सर्रासपणे चित्रपटात वापरात येणारी चित्रिकरण स्थळे कायमस्वरूपी या स्टूडिओत उभारून ठेवलेली असतात. वेगवेगळ्या प्रकारची लोकेशन्स एकाच परीघात उपलब्ध झाल्याने चित्रीकरणाचा यातायात खर्च व वेळ वाचतो व चित्रपटाचे बजेट अटोक्यात ठेवण्यास मदत होते.
निर्मात्याने फक्त आपले तंत्रज्ञ व कलाकार घेवून filmcity मधे यावे व पूर्ण चित्रपट तयार करून filmcity तून बाहेर पडावे अशा संकल्पनेवर ही filmcity उभारली गेली असते.
अशा प्रकारे निर्माण केलेल्या studio मधे शूटींग साठी लागणारी सर्व उपकरणे उपलब्ध असतात. सिनेमाचे post Production अर्थात एडीटींग व इतर सुविधा ही या filmcity च्या कक्षेतच उपलब्ध होवून जातात.
हैद्राबाद च्या रामोजी राव फिल्म सिटी चे उदाहरण
अशा प्रकारची फिल्मसिटी हैद्राबाद येथे आधीच कार्यरत आहे.प्रसिद्ध निर्माते व उद्योगपती रामोजी राव यांनी ही त्यांची Ramoji Film City यशस्वीरीत्या चालवून दाखवली आहे व film City ही संकल्पना एक Viable business proposal असल्याचे सिद्ध केले आहे.
UP ची होवू घातलेली filmcity
उत्तर प्रदेश चे मुख्यमंत्री योगीजी यांनीही अशा पद्धतीची filmcity UP मधे उभारण्याची घोषणा अलिकडेच केली होती.
गोव्याचे मुख्यमंत्री प्रमोद सावंत यांच्या जमीन संपादन प्रयत्नांना आधीच यश -आता खाजगी गुंतवणूकदारांना आमंत्रण
गोव्याचे मुख्यमंत्री प्रमोद सावंत यांना स्थानिक वृत्तवाहिनी Goenkarpann च्या निवेदकाने Goa Film City Project च्या कामाच्या प्रगतीबाबत प्रश्न विचारला असता त्यांनी खालीलप्रमाणे उत्तर दिले आहे
दक्षिण गोवा येथील काणकोण या प्रांतातील 250 एकरचे विस्तीर्ण असे ‘भगवती पठार’ गोव्याचे मुख्यमंत्री प्रमोद सावंत यांनी Goa film City साठी निवडले आहे.
भगवती पठाराची जैव विविधता व पाण्याचा स्त्रोत या मुद्यांवरून स्थानिक लोलेम ( Loliem) गावच्या ग्रामस्थांनी सुरूवातीस या प्रकल्पाला विरोध दर्शवला. सरकार कडून filmcity project हा GREEN PROJECT असून यात कुठल्याही प्रकारची निसर्ग हानी होणार नाही हे स्थानिकांना पटवून देण्यात आले. अखेर गेल्या August मधे झालेल्या लोलेम गाव च्या ग्रामसभेत 54 पैकी 50 सदस्यांनी बहुमताने सदर प्रोजेक्ट साठी जमीन देण्यास अनुकूलता दर्शविली. अध्यक्ष वीश्वजीत वारीक यांच्या पुढाकाराने हा ठराव संमत केला गेला. सदर 250 एकर जागा ही शेतीसाठी अयोग्य प्रकारात ( Incultivable land )मोडत असल्याकारणाने शेती उद्योगावर याचा कुठलाही विपरीत परिणाम होणार नाही असे दिसते. तसेच सदर जमीन भाडेतत्त्वावर हस्तांतरित होत आहे त्यामुळे भूमीपुत्रांची जमीन मालकीही त्यांच्याकडेच रहाणार आहे.
याआधीच लोलेम गाव ग्रामसभेने WAPCOS या Hybrid Solar Project राबणाऱ्या कंपनीस 750 एकर क्षेत्रफळाची जागा भाडेपट्टीवर दिली आहे या अनुषंगाने Filmcity सारख्या Green Project साठी विरोधी भूमिका राबवणे अव्यवहार्य असल्याचे स्पष्ट होते.
स्थानिक तरूणांना रोजगार संधी
Filmcity प्रकल्पाच्या पहिल्या टप्प्यात 500 स्थानिक तरूणांना रोजगार देण्याची हमी मुख्यमंत्री प्रमोद सावंत यांनी स्थानिकांना दिली आहे.
रविंद्र भवन मधे मुख्यमंत्र्यांची घोषणा
कानकोण च्या रविंद्र भवन मधे मुख्यमंत्री प्रमोद सावंत यांनी या Filmcity प्रकल्पाची अधिकृत घोषणा केली. या Filmcity ला ‘लता मंगेशकर कलांगण’ असे नाव देण्यात येईल असे त्यांनी यावेळी सांगितले.
तसेच सदर Film City मधे एक भव्य Auditorium उभारून त्यास कानकोण चे MLA संजय बांदेकर यांचे नाव देण्यात येईल असे त्यांनी सांगितले.
प्रकल्पा साठी लागणार्या तालुका पातळीवरील Administrative building चे काम याआधीच सुरू झाले आहे.
ESG -Entertainment Society of Goa ची महत्त्वपूर्ण भूमिका
Goa कला अकादमी चे चेअरमन श्री विष्णू सूर्या वाघ हे ESG चे Vice Chairman आहेत. श्री विष्णू सूर्या वाघ यांनी IFFI च्या परिसंवादात येत्या दोन वर्षांत Goa Filmcity प्रकल्प पूर्णत्वास नेण्याचा आपला संकल्प बोलून दाखवला.
ESG ही संस्था मुळात IFFI व भारत सरकार मधे समन्वय साधण्यासाठी स्थापली गेली होती. आता हीच संस्था Film City प्रकल्पाला प्रत्यक्ष कार्यान्वित करणार आहे. ESG द्वारे प्रकल्पाचे Tender काढणे व या व्यवहारात मार्गदर्शन पर consultant नियुक्ती करण्याचे काम करण्यात येणार आहे.
Investors साठी सुवर्ण संधी
भारतीय रुपयांत म्हटले तर 1,998,501,013 INR ( अर्थात 199.85 करोड रुपये) एवढ्या बजेट चा हा प्रकल्प आहे असे गोवा सरकारच्या अधिकृत संकेतस्थळावर नमूद आहे.
सदर Goa Filmcity प्रकल्पा ची वित्त उभारणी PPP (Public Private Partnership) या संयुक्त आर्थिक तत्वावर करण्यात येईल. खाजगी निवेशकांसाठी ही एक सूवर्णसंधी आहे. सरकारी सहभागामुळे कुठल्याही प्रशासकीय अडथळ्यांची संभावना हा प्रकल्प कार्यान्वित करताना येणार नाही.
गोवा हे चित्रपट सृष्टीसाठी चित्रीकरणाचे आवडते स्थळ. Film City मुळे सूलभता.
राष्ट्रीय चित्रपट महोत्सवा च्या इथल्या आयोजना मुळे याआधीच गोव्याला चित्रपट संस्कृती चे अधिकृत परिमाण लाभले आहे.असे असले तरी गोव्यात चित्रपट निर्मिती उद्योगासाठी लागणार्या पायाभूत सुविधा उपलब्ध नाहीत. अगदी चित्रीकरणासाठी लाईट मागवायची झाल्यास कोल्हापूर हून त्या मागवाव्या लागतात. अशा परिस्थितीत एक Dedicated व भव्य स्टुडिओ दक्षिण गोव्यात उभा रहातोय ही गोष्ट नक्कीच दिलासादायक आहे.
About The Author
Thanks for detail information
Thanks a lot for reading Rohit ji🙏