पुण्याचे मानाचे ५ गणपती
कसबा मेट्रो स्टेशनवरून दर्शन मार्ग
पुण्यातील मानाचे ५ गणपती: एक ऐतिहासिक आढावा
पुणे हे सार्वजनिक गणेशोत्सवाचे जन्मस्थान मानले जाते, जे लोकमान्य बाळ गंगाधर टिळकांनी १८९३ मध्ये सुरू केले. या शहराची धार्मिक आणि सांस्कृतिक ओळख “मानाचे पाच गणपती” यांच्याशी जोडली गेली आहे. हे गणपती विसर्जन मिरवणुकीत अग्रस्थानी असतात आणि त्यांना विशेष मान दिला जातो.
१. कसबा गणपती
स्थापना वर्ष: १६३९
राजमाता जिजाऊंनी स्थापलेले पुण्याचे ग्रामदैवत ; बालपणापासूनच शिवाजी महाराजांची कसबा गणपती वर श्रद्धा होती.छत्रपती शिवाजी महाराज युद्ध मोहिमेवर निघण्यापूर्वी या गणेशाचे दर्शन घेत
२. तांबडी जोगेश्वरी
स्थापना वर्ष: १८९३
भाऊ बेंद्रे यांनी स्थापना केली; पुण्याची ग्रामदेवता जोगेश्वरी देवीच्या नावाने हे मंदिर प्रसिद्ध आहे
३. गुरुजी तालीम
स्थापना वर्ष: १८८७
हिंदू-मुस्लिम ऐक्याचे प्रतीक असलेला सार्वजनिक गणेशोत्सव; भिकू शिंदे आणि उस्ताद नलबन(पेहेलवान),यांनी स्थापना केली
४. तुळशीबाग गणेश
स्थापना वर्ष: १९०१
१९७५ मध्ये फायबरची मूर्ती स्थापन करणारे पहिले मंडळ.तुळशी बागेतला हा गणपती आपल्या भव्य सजावटी साठी प्रसिद्ध आहे
५. केसरीवाडा
स्थापना वर्ष: १८९४
लोकमान्य टिळकांनी स्वतः सुरू केलेला हा सार्वजनिक उत्सवातला पहिला गणपती. लोकमान्य टिळकांच्या वाड्यात अतीशय साधेपणाने श्री गणेश उत्सव साजरा होतो.आजही जुन्या पद्धतीने पालखीतून विसर्जनाची परंपरा इथे जोपसली आहे
दर्शन मार्गाचा नकाशा
पर्यायी वाहतूक साधने
- ऑटोरिक्षा: मेट्रो स्टेशनभोवती ऑटोरिक्षा सहज उपलब्ध असतात. तुम्ही एका ठिकाणाहून दुसऱ्या ठिकाणी जाण्यासाठी किंवा थकल्यास वापरू शकता.
- पीएमपीएमएल बस: गणेशोत्सव काळात गर्दी मुळे बस सेवा बंद असते.
दर्शन परीक्रमे साठी उपयुक्त सूचना
- वेळेचे नियोजन: गणेशोत्सवाच्या दिवसांत, विशेषत: वीकेंडला येथे खूप गर्दी होते. सकाळच्या वेळेस दर्शनासाठी जाणे अनुकूल ठरू शकते.
- जोड मार्ग: जर तुम्ही इतर प्रसिद्ध गणपती (जसे की दगडूशेठ हलवाई गणपती, अखिल मंडई मंडळ किंवा बाबूगेनू गणपती) पाहू इच्छित असाल, तर ते देखील याच परिसरात जवळजवळ आहेत.
- सोबती ठेवा: पायी चालण्यासाठी आरामदायक शूज घाला. पाण्याची बाटली सोबत ठेवणे चांगले.
निष्कर्ष
कसबा मेट्रो स्टेशन हे पुण्याच्या मानाच्या पाच गणपतींचे दर्शन घेण्यासाठी सर्वात सोयीस्कर प्रवेशद्वार आहे. फक्त २.५ किमी च्या पायी प्रवासात तुम्ही पुण्याच्या गौरवशाली इतिहास, परंपरा आणि सामाजिक ऐक्याच्या या जिवंत प्रतीकांचे दर्शन घेऊ शकता.
गणपती बाप्पा मोरया, मंगल मूर्ति मोरया! 🙏
हे ही वाचा :
➡️छत्रपती शिवाजी महाराज पुतळा, सिंधुदुर्ग (राजकोट किल्ला) | ९१ फूट उंची
About The Author
