Operation Sindoor बाबत काही देशांनी मानवतावादी सूर काढत भारतावर टीका केली या पार्श्वभूमीवर एअर मार्शल ए. के. भारती यांच्या स्पष्ट व ठाम उत्तराने भारताचे पाकिस्तान विरुद्ध चे धोरण स्पष्ट केले आहे.
“Our Job Is To Hit The Target, If at all there Is Casualties, Let Them Count” – ऑपरेशन सिंदूरवर एअर मार्शल ए के भारती यांची ठाम भूमिका
काय म्हणाले एअर मार्शल ए के भारती
भारतीय वायुदलाच्या एअर मार्शल ए. के. भारती यांनी अलीकडील पत्रकार परिषदेमध्ये दिलेलं वक्तव्य – “Our job is to hit the target. If at all there is casualties, let them count.” अर्थात ” ठरलेल्या TARGET वर हल्ला करणे हे आमचं कर्तव्य असते. मनुष्य हानी झालीच असेल तर त्याचा हिशेब त्यांनी करावा!”– हे केवळ एक उत्तर नव्हतं, तर भारताच्या लष्करी धोरणाची, प्रादेशिक सुरक्षिततेसाठी घेतलेल्या कठोर भूमिकेची आणि आंतरराष्ट्रीय पातळीवरील दबावाला ठामपणे प्रत्युत्तर देणारा राष्ट्र अभिमान होता .
ऑपरेशन सिंदूर – एक धाडसी निर्णय
ऑपरेशन सिंदूर हे भारताने सीमापार दहशतवादी तळांवर केलेलं एक निर्णायक लष्करी अभियान होतं. या ऑपरेशनमध्ये, पाकिस्तानातील PoK (पाक अधिकृत काश्मीर) भागात सक्रिय असलेल्या अतिरेकी गटांवर लक्ष्य साधून, अत्यंत अचूक हल्ले करण्यात आले. भारतीय लष्कर, वायुदल आणि गुप्तचर यंत्रणांनी संयोजितरीत्या ही कारवाई केली.
या हल्ल्यांमधून भारतीय सैन्याने हे दाखवून दिलं की, देशाच्या सीमांचं उल्लंघन आणि आंतरिक सुरक्षेवरचा धोका अजिबात सहन केला जाणार नाही.
मानवतावादी टीका – कोण करतंय आणि का?
ऑपरेशननंतर काही आंतरराष्ट्रीय संस्था आणि देश – विशेषतः युरोपियन युनियनमधील काही राष्ट्रं, कॅनडा, तसेच संयुक्त राष्ट्रसंघातील काही मानवी हक्क संस्थांनी भारताच्या कारवाईवर टीका केली. त्यांच्या म्हणण्यानुसार, या हल्ल्यांमध्ये “नागरिकांचे बळी गेले असण्याची शक्यता” आहे आणि त्याचा सखोल तपास व्हावा अशी मागणी त्यांनी केली.
यामध्ये ‘मानवतेच्या अधिकारांचे उल्लंघन’, ‘सैन्याच्या आक्रमकतेचा अतिरेक’, आणि ‘शांती प्रक्रियेला धक्का’ अशी पारंपरिक वाक्यं वापरली गेली. मात्र या साऱ्या प्रतिक्रियांचा रोख अधिक राजकीय होता, व वास्तविक स्थितीपेक्षा कूटनीतिक दबावाने प्रेरित असा होता.
भारताची स्पष्ट भूमिका
एअर मार्शल भारती यांचं उत्तर या साऱ्या ‘मानवतावादी’ टीकांना फाटा देणारं ठरलं. त्यांनी स्पष्टपणे म्हटलं की:
“We do not initiate, but we retaliate. Our intelligence confirms the targets, and precision is our doctrine. Civilian areas are never our objective. But if someone chooses to hide terror in villages, responsibility shifts.”
ही भूमिका म्हणजे एक स्पष्ट संदेश होता – की भारत आता केवळ “संयम” दाखवणाऱ्या देशांमध्ये राहिलेला नाही, तर धोका असेल तिथे कारवाई करेल आणि ती करतानाच त्याचं धोरण पारदर्शक आणि ठोस असेल.
भारताच्या कारवाईचं नैतिक अधिष्ठान
भारताने संयुक्त राष्ट्रांच्या ठरावांनुसार स्वतःची भूमिका वेळोवेळी मांडलेली आहे. दहशतवादाविरुद्धची कारवाई ही केवळ “राष्ट्रीय सुरक्षिततेसाठी” नाही, तर जागतिक शांततेसाठीदेखील आवश्यक आहे, असा भारताचा ठाम विश्वास आहे.
वास्तविक पाहता, PoK मध्ये अनेक वर्षांपासून दहशतवाद्यांचे प्रशिक्षण तळ कार्यरत आहेत, आणि तिथून वारंवार भारतात घातपात घडवले गेले आहेत. अशा वेळी कारवाई ही “गरजेची” असते, “आक्रमणाची” नव्हे.
निष्कर्ष: सामर्थ्यशाली शांत भूमिका
आजच्या युगात शांतता ही कमकुवतपणातून नाही, तर सामर्थ्यातून येते. भारताचं ऑपरेशन सिंदूर हे सामर्थ्य, संयम आणि अचूक कारवाई यांचं उदाहरण आहे. एअर मार्शल भारती यांच्या शब्दांनी भारताची बदललेली मनोभूमिका जगासमोर आणली आहे
हे ही वाचा
About The Author
